Afrikaanse rympies

Môre Oompie, môre Tannie, waar is Sannie dan?
Sannie het gaan water haal daar onder by die dam.
Ja, Oompie, ja, môre gaan ons trou!
Ja, Oompie, ja, môre gaan ons trou!

---

My hartjie, my liefie, die son sak weg,
die son sak weg, die son sak weg.
My hartjie, my liefie, die son sak weg
daar ander kant die blou berge.
En ek wil, ek wil, ek wil na die nooi'ntjie gaan vry;
Sy is so mooi en so liefies vir my.
En ek wil, ek wil, ek wil na die nooi'ntjie gaan vry;
daar anderkant die blou berge.

---

Trippe trappe trone,
die varkies in die bone,
gansies op die groene gras,
eendjies in die waterplas,
ek wens dat Kindjie groter was
om ouma se eendjie op te pas.

Kan nie onthou wanneer laas ek van dit gehoor het nie.
Nice idee Deja!!!

Handjies klap, koekies bak
Handjies klap, koekies bak,
bring die meel,
nie te veel,
klits die eiers gou-gou-gou, (vryf die handjies vinnig teen mekaar)
lekker eet ons nou-nou-nou. (gooi die handjies in die lug)

Trippe, trappe, trone
varkies in die bone,
koeitjies in die klawer,
perdjies in die hawer,
gansies in die groene gras
eendjies op die waterplas,
Ek wens dat kindjie groter was
om al die diertjies op te pas.

Dit is my pappie (duim omhoog)
dit is my mammie (wysvinger)
dit is my ouboet Braam (middelvinger)
Dit is my sussie (ringvinger)
dit is ons baba (pinkie)
en ons woon almal saam (vou vingers saam)

Is julle al moeg vir my? LOL.

Ek hou van hierdie tipe goed, laat my so terug verlang na die dae toe my Oupagrootjie nog geleef het. Hy het meeste van hierdie goed vir my geleer.

Drie outas het in die haai Karoo
die ster gesien en die engel geglo,
hul kieries en drie bondels gevat
en aangestryk met ’n jakkalspad
al agter die ding wat skuiwend skyn
op ’n plakkie, ’n klip, ’n syferfontein,
oor die sink en die sak van Distrik Ses
waar ’n kersie brand in ’n stukkende fles,
en daar tussen esels en makriel
die krip gesien en neergekniel.
Die skaapvet, eiers en biltong
nederig gelê voor God se klong
en die Here gedank in gesang en gebed
vir ’n kindjie wat ook dié volk sou red …
Oor die hele affêre het uit ’n hoek
’n broeis bantam agterdogtig gekloek.

---

Die OU Stille nag, bly vir my BAIE mooier as die nuwe weergawe:
Stille nag, heilige nag.

Alles rus; eensaam wag
slegs Maria, geseënde vrou,
by haar Kindjie met Josef so trou:
Soete, hemelse rus!
Soete, hemelse rus!

Stille nag, heilige nag.
Oor die veld, lief en sag,
klink die lied van die engelekoor,
eers deur herders, dan verder gehoor:
Juig die Redder is daar!
Juig die Redder is daar!

Stille nag, heilige nag.
Jesuskind, vriend'lik lag
liefde teer uit u god'like mond;
tans daag heerlik die vrywordingstond:
Heer gebore vir ons!
Heer gebore vir ons!

---

Jan Pierewiet, Jan Pierewiet, Jan Pierewiet, staan stil;
Jan Pierewiet, Jan Pierewiet, Jan Pierewiet, staan stil.
Goeie môre my vrou, hier's 'n soentjie vir jou.
Goeie môre my man, daar is koffie in die kan.

Jan Pierewiet, Jan Pierewiet, Jan Pierewiet, staan stil;
Jan Pierewiet, Jan Pierewiet, Jan Pierewiet, draai om.
Hy draai om en hy leen van sy ouma 'n bril,
en hy soek met die bril na 'n vroutjie vir hom.

---

Hmmmm die een is nou 'n lekker post.

Wel, ek kan ook nie te lekker onthou nie, maar sal bietjei gaan sit en dink aan nog.

Olke bolke riebietjie stolke
olke bolke knor
Errie tjerrie tjekere tjerrie
Errie tjerrie tjorts.

---

Op die klavier staan 'n bottel wyn
Die een wat daarvan drink se asem sal stink.

---

Een van my gunstelinge, AG Visser se gedig:

As dit Fluit-fluit gaan
Dit was ’n bitter dag vir my
Die Sondag in die kerk;
Waar ons sit in die middelry,
Word alles opgemerk.

Die dominee hou skielik op;
Die ouderlings kyk om;
Rooi-skaam laat sak my ma haar kop,
Want almal lyk verstom.

Wel, tuis het ek ’n pak gekry
En huil my byna hees.
Maar dit was darem, glo vir my,
’n Lekker fluit gewees.

1. As ek soggens vroeg opstaan
Hoor die water in die kraan
as ek soggens vroeg opstaan
plas plas plas plas
as ek my gesiggie was

Hoor die water in die kraan
as ek soggens vroeg opstaan
sjoef shaf sjoef shaf
tande borsel op en af

Hoor die water in die kraan
as ek soggens vroeg opstaan
drup drup hier drup drup daar
ek is amper kant en klaar

2. My baba boetie

My baba boetie is maar een jaar oud;
en - glo vir my - soms is hy sommer baie stout.
Ek is ouer en mooi groot-
ek tel hom al maklik op my skoot.

3. Teleurgesteld

Ek wou graag `n speelmaat hê
en nou het hy gekom
maar hy wil net by mamma lê
ek weet tog nie waarom.


Hy huil vir niks nie: wê-ê-ê,
sy kop is kaal en slap.
Hy kan g`n enkele woordjie sê,
en eet net bottels pap!

4. As pappa kom

Ek steek my altyd weg
as pappie huis toe kom.
Agter die donker deur,
wag `n soen vir hom.

Saggies kom hy nader,
sy hoed wil hy daar hang;
maar voor hy weet, het ek hom
om sy nek gevang!

Nou sit hy in sy stoel,
mooi broodjies moet ek bak;
want hoe kry ek my lekkers
uit daardie baadjiesak?

5. Ek ken twee towerwoorde
wat ek graag vir jou wil leer.
Dis "asseblief" en "dankie"
Ek gebruik hul keer op keer.

Mag ek roomys kry "asseblief"
Klink beter as "gee my!"
En jy moet altyd "dankie" sê
vir alles wat jy kry

6. My pa is so fris en sterk,hy gaan
elke môre vroeg al werk.
My mamma tik in `n kantoor,
en heeldag hoor jy oupa skaaf en
boor.
My ouma bly net by die huis,sy
kook ons kos in die kombuis.

7. `n Somer gedig

Die somer is hier!
Dis tyd vir plesier.
Die bome is groen
en daar is baie dinge om te doen.

Ons swem en ons speel,
daar is nie `n oomblik
wat ek my verveel.

8. Tafelgebed

Vir die kossies wat ons eet
Vir die lessies wat ons leer
Sê ons dankie liewe Heer

Amen

9. Aandgebed

Liewe Jesus,troue Herder
seën U lammetjie vannaand.
Wees by my in die donker nag,
en bewaar my tot die nuwe dag.

Amen

10. Dankie Heer

Dankie Heer al is ek klein,
vir my skol en vir my brein.
Maak my nuttig, goed en sterk
Vader, om vir U te werk.

11. Ekke

Ek het twee arms aan my lyd
en met my een hand kan ek skryf.
My kop is heel bo - vas aan my nek
en met my tong kan ek roomys lek.
My oë kan ek rek en rek
en my gesig kan ek baie lelik trek.
Met my mondjie soen ek vir mamma
en met my vingers kielie ek vir papa.

12. Twee ogies om God`s werk te sien

Twee ogies om God`s werk te sien;
twee handjies om die Heer te dien;
twee oortjies om Sy woord op te vang;
twee lippies wat Hom loof met sang;
twee voetjies moet Sy pad betree
met een hartjie om aan Hom te gee.

13. Trippe,trappe,trone,
varkies in die bone,
koeitjies in die klawer,
perdjies in die hawer,die
gansies op die groene
gras,die eendjiies op die
waterplas. Ek wens dat kindjie groter was om al
my diertjies op te pas.

14. Handjies klap,
Voetjies stap,
Ogies kyk,
Neusie snuit,
Mondjie fluit,
Kinnebak,
Gorrelgat,
Doedelsak

15. Duimpie het in die water geval.
Duimpie se maat het hom uitgehaal.
Langeraat het hom huistoe gedra.
Fielaflooi het hom neergelê.
En kleintjie het vir ma gaan sê

16. Die eerste varkie het mark toe gegaan.
Die tweede varkie het tuis gebly.
Die derde varkie het melk gedrink.
Die vierde varkie het niks gekry.
Die vyfde varkie sê
"soek my ma vir my"

17. Daar`s `n apie op `n stokkie
voor my ma se agterdeur;
daar`s `n gaatjie in sy broekie
en sy stertjie loer daardeur.

18. Wielie,wielie,walie
die aap sit op die balie,
tjoef-tjaf val hy af!
Wilie,wielie,walie.

ok julle het my nou amptelik mal gemaak ek ekn al die woorde maar kry nie die tune in my kop nie...... dit maak my mal