Gesels saam op die pad na Swangerskap

Naand dames!

Gedink ek sal net vinnig hier noem dat ons toe gister ons IUI gedoen het. Amper gedink dit gaan nie gebeur nie, maar gelukkig het dinge toe reg uitgewerk. Ons doen die beta toets op 21 April, so ek gaan probeer uithou en nie tuis toetsies gebruik nie.

Hoop dit gaan nog goed met almal?

@mickymuismommy, ek sal defnitief voorstel dat jy kyk of jy by Dr Pentz by Kloof Hospitaal kan inkom, hy is fantasies, en hy hte 'n baie hoe 'success rate' hy is een van daardie FS wat nie ophou probeer nie, hy weet dat tyd altyd 'n issue is so by hom maak hy altyd plan. Hy is ook nie te duur nie, hy vra R550 per afspraak wat jy by jou medies kan terug eis... hy is werklik waar in my oe die beste FS ooit! Jou man sal ook gemaklik wees moet hom want hy sal jou man stuur vir toetse indien nodig!

Welkom mickymuismommy! En dankie vir die inloer Baby.

Jammer om te hoor van jou miskraam, mickymuismommy. Kan dink dat jy teen die tyd na ander opsies begin kyk, want 'n jaar is 'n lang tyd. Ek persoonlik sal dadelik gegaan het na 'n fertiliteits spesialis, eerder as 'n gewone gynae. My FS is wonderlik, maar ongelukkig in die Kaap. Van die ander dames wat vantevore hier saam gesels het en nou op die swangerskap threads is, het baie goeie goed te sê gehad oor Vitalab wat daar in jou geweste is.

Ek self was eers 4 maande onder behandeling by my gynae voor ek verwys is na my FS. Het vir my gevoel of dit 'n mors van tyd en geld was, want ek was 3 siklusse op presies dieselfde dosis Fertomid wat nie besonder goed gewerk het nie, maar gynae het dit nie aangepas nie. Eerste ding wat my FS gedoen het is volledige bloedtoetse van my en ML asook 'n sperm analiese vir hom. Toe het ons 'n lang gesprek gehad oor alle opsies en met 'n plan opgekom. My FS het die dosis verhoog en dit het definitief beter gegaan van toe af.

Weet nie wat Vitalab se pryse is nie, maar my FS en gynae se tariewe is basies dieselfde, so in my ondervinding spaar jy nie deur na 'n gewone gynae te gaan nie.

Hoop julle kan vinnig iewers regkom en hooplik wys dit geen probleme by julle op nie.

Baby, ek het self al 'n paar maande lank Inofolic gebruik, maar kon nie 'n verskil agterkom nie en ongelukkig was ek nog nie suksesvol nie. Dis nogal duur, so ek het op 'n stadium opgehou om dit te koop. Sal miskien dink daaraan om weer te begin, maar intussen gebruik ek Stamingro soos aanbeveel deur my FS. Dis goed vir mans en vroue se fertiliteit en blykbaar ook 'n goeie algemene multivitamien.

Geniet die laaste 2 daggies van die week, julle!

Hello dames.

Ek wil nie deel word van julle forum nie, want ek is tans swanger (5 weke), maar ek wil graag iets deel met die dames wat PCOS het. Met hierdie swangerskap het ek 'n totaal van 3 siklusse met Femara gedoen. Die eerste 2 siklusse was ek vir IUI. Alles het so perfek gelyk, maar dit het in bfn geeindig. Ek het toe besluit om 'n paar maande met die Femara aan te gaan, maar sonder die IUI en selfs sonder dat die dokter my monitor. Hierdie maand het ek saam dit INOFOLIC gebruik. Ek het eers gedink dit werk glad nie, maar op cd 26 het ek geovuleer! En 14 dae later..... BFP! Ek glo uit en uit dit was die Inofolic. Gaan lees bietjie op daaroor. Die ander naam vir dit is pregnatude. Die werk regtig!!! Jy het nie 'n voorskrif vir dit nodig nie en dit is net 'n poeiertjie wat jy in 'n glas water oplos en neem.

Sterkte aan almal en moenie moed opgee nie. Dit sal gebeur.

Halo Dames.
Ek was 2 jaar terug op die forum maar het 'n miskraam in Desember 2013 gehad. Probeer al meer as n jaar lank weer maar raak nie swanger nie. So het nou besluit om maar te begin kyk na wat die opsies is.
Waar is Pretoria kan mens n sperm analiese doen? Moet ek deur my Gynea gaan of n spesialis gaan sien? Ons sal maar by DH begin en dan die fout soek by my.

Hello julle!

Dis maar stil hier. Het gehoop van die Afrikaanse dames is nog in die rondte. Gaan in elk geval 'n update gee:

Was vir my 6 weke post-op besoek by FS gewees. Alles is nou reg om weer te TTC. In kort, hy't endometiose en 'n klein sist verwyder asook my derm en 1 buis van mekaar losgemaak. Hy glo wel nie dat dit 'n groot verskil gaan maak nie, so ons het nou besluit om KI (IUI) te probeer.

Vandag op CD3 en gaan middel volgende week vir die CD8 scan. Verwag nie te veel nie, want ek reageer maar stadig op Fertomid, al is dit 100mg. Maar wanneer die follies eers wys, dan groei hulle sommer vinnig en het laas goeie grootes bereik. Ek skat die prosedure gaan om en by teen Paasnaweek geskied. Al klaar opgewonde vir die moontlikhede wat dit inhou.

Lekker naweek!

Naand dames!

Dog ek kom loer gou in. Verskriklike besige 3 weke agter die rug (wel, amper daar deur) en kon net nie daarby uitkom om iets te post nie. Het wel elke post gelees.

Was onderandere weer in die hospitaal met 'n vreeslike maagkiem wat my baie siek gehad het. Gelukkig is ek nou weer perdfris. Sien uit na volgende week vir my opvolg besoek na die laparoskopie. Hooplik lyk alles baie goed en kan ons 'n PVA kry.

Daar het nou te veel gebeur vir my om almal by die naam te noem, maar jammer vir elkeen wat onlangs nog terleurstelling gehad het. Veral Fairymommy, ek kan my net indink hoe jy gevoel het. Hoop die pyne wat saam met AF gaan is nou darem al beter.

AnzelMama, ek sien jy vra oor Staminogro. My FS praat baie goed daarvan. Ek en ML het dit al gebruik en ek dink om weer te begin. Meer weet ek ongelukkig nie.

En vir almal wat nou onlangs begin het met Fertomid ens, sterkte! Ek hoop dit werk sommer gou-gou vir julle.

Amper einde van die week - geniet die laaste 2 dae julle!