March 2013 Mommies to be...

Widget
Dankie vir jou woorde...dit laat my tog rustiger voel om te weet dat dit darem nie soos 'n lam-ter-slagte gaan wees nie.

Nope, ek het nooit daardie kussings gekoop nie. Wou baie graag, maar het eerder my sente omgedraai vir ander dinge wat ek dink nodiger was. Ek sukkel ook maar so voort met die duvet en kussings. My arme man le omtrent 'n meter ver weg van my af...so 'n hoop goed is tussen ons ingedruk sodat ek gemaklik kan le.

Ek kan dink dit gaan rof wees met 2 kiddies. 'n Kleine baba wat jy moet leer ken en 'n kleine dogtertjie wat nie gaan verstaan as haar mamma nie soveel aandag kan gee nie. Sterkte!! Maar.....(soos vele ander voor jou)...sal jy dit maak. En dan kan ek weer tips kry vir as ek probeer vir nr. 2.

So wanneer is jou datum?? Jy gaan mos vir 'n keiser? Hoekom voel ek nou of ek heeltemaal alles vergeet het??

Ai Jooste ek weet wat jy bedoel met die slaap. Ek sukkel ook nou al die laaste twee weke, ek word konstant wakker om te gaan piepie en ek kry nie my lê nie. Ek wissel maar kante gereeld, maar ek vind ek slaap wel langer en bietjie beter op my linker sy. Ek prop die duvet tussen my kniee en ondersteun my maag en bo-lyf met 'n kussing. Shame my man kry nie veel plek om te beweeg tussen al die dinge nie, maar hy sê hy slaap darm heel gemaklik en onversteurd. Nou is ek spyt (weereens) dat ek nooit 'n preggy roll gekoop het nie, en nou voel ek dit is te laat. Het jy vir jou een gekry? Ek onthou ons het daaroor gepraat aan die begin.

Ek verstaan jou angs oor die keiser. Hierdie keer vir my is dit 'n beplande keiser so ek voel ook bietjie meer angstig oor die geboorte, waar laas keer was ek oortuig ek sou natuurlik kraam so het nie eens gedink aan keiser nie en nie geweet wat om te verwag nie.

Maar ek kan regtig jou gerus stel dat die keiser self regtig nie baie erg is nie, en dit gaan 'n ongelooflike 'surreal' ervaring vir jou en jou man wees daardie dag wanneer julle kleinding gebore word! Die beloning van julle pas gebore babatjie gaan by ver enige moontlike negatiewe dinge van die keiser uitbalanseer, dit kan ek jou verseker! Moet nie bekommer oor komplikasies en so nie...dit gebeur min met beplande keisers. Dit is noodkeisers wat baie keer probleme oplewer.

Al waaroor ek bang is, is omdat ek hierdie keer weet wat om te verwag dat die spinal block weer sal seer wees, en ek is skrikkerig vir die herstel na-die-tyd om dat ek nie net my pasgebore baba sal hê nie maar my 19 maande oue dogtertjie ook....maar soos wat my skoonsussie sê: "you just get on with it" daar is nie tyd vir 'ag arme ek' nie, veral nie as jy 'n mamma is nie

Widget
Klink of jy lekker ontspan het. Heerlik!!

Ja....ek kan nie glo dat die tyd amper aangebreek het nie. Het nog 'n paar dingetjies om te doen in die babakamer en moet die laaste goed in my hospitaal-sak pak. Kry so bietjie angs-aanvalle as ek dink aan die keiser. Regtig nogals bang vir die hele operasie storie, maar hoop en bid dat alles sal goed afloop.

Slaap is darem nou regtig 'n ongemaklike storie. Weet nie lekker watter kant toe nie. Hoe slaap jy??

Dankie Jooste! Wat 'n lekker naweek Ek het so lekker onstspan Saterdag oggend by die spa terwyl manlief die kleinding na Monte Cassino se voëlpark toe gevat het. Ek wens ek kon sulke behandeling elke maand kry! Maar ja, ongelukkig is dit net 'n spesiale bederf, maar dit maak tog seker dat 'n mens dit meer geniet.

Hoe voel jy? More oor 'n week het jy jou babatjie. Ek is baie nuuskierig om uit te vind of dit wel 'n dogtertjie is!! Julle het seker kamer en alles al reg en in plek?

Ek en my man het Sondag in die huis gewerk en alles agtermekaar gekry - gastekamer vir my ouers wat kom bly vir 'n week, baba kamer en klein prinsessie se kamer....nou moet ek net nog 3 weke wag. Voel so laaank...

Angeqlique, ek het baie lanklaas 'n post van jou af gesien. Hoe gaan dit?

Chumm & Nixie, hoop om gou weer van julle ook te hoor, maar ek is seker julle het julle hande vol met julle nuwe kleintjies!

Geniet die Spa behandeling, Widget!! Klink heerlik!! Ek wens ek kon so iets gaan doen.

Ja ai, kan nie wag om die dingetjie vas te hou nie!

Jooste watse besigheid het jy? Hulle sê altyd mens werk die hardste as jy vir jouself werk.

Dankie tog dit is naweek en uiteindelik Maart maand!

Te danke aan my man word ek hierdie naweek lekker bederf by die Life Day Spa in Fourways!! Ek gaan vir 'n mom-to-be treatment en 'n manicure en pedicure. Ek sien so uit, ek hoop dit is lekker en ek voel nie te ongemaklik nie. Ek wil net bietjie afskakel en ontspan.


Hoop almal het 'n lekker naweek.

Widget
Ag...mamma...kyk daardie oulike bekkie!!! Pragtige foto'tjie.

Ja, jong - ek voel soos jy. Ek werk vir myself, so ek gaan aanbly tot so laat soos wat ek kan en in alle waarskynlikheid weer vroeg-vroeg begin teruggaan. Ek werk tans net so 3 oggende 'n week (het dit verlede week begin doen). Dit is baie beter en ek voel darem nogsteeds asof ek iets doen. Het hierdie week net 2 volle dae ingegaan en sal volgende week net 1 dag die week daar wees.