Oktober mammies 2010

More almal!

Ons het 'n besonderse rustige nag gehad. Stefan het amper die hele bottel prodol in sy keel afgegooi gisteraand, so sy tande het hom niks gepla nie. Hy het eers vanoggend 6 uur wakker geword toe sy pa ry. Gewoonlik staan hy 5 uur al saam met pappa op en deesdae word hy iewers deur die nag wakker vir 'n tande troosie... maar ons het almal goed geslaap.

Nie eers een BH kontraksie nie!

Janine, ek hoop jy het 'n opwindende nag gehad! Gerne, jy ook!

Ek sien darem Donderdag weer die gyni, dan kan ek hoor wat dink hy van die kanse vir 'n baba die naweek. Maar ek dink maar nogsteeds hierdie lady gaan eers volgende week kom.

Hoop dit gaan goed met al die mammas! Helene en Annalize, julle is baie stil, hoop dit gaan goed daar.

Lekker dag!

Ek het net so baie gestap vandag maar alles is heel rustig vanaand. Ek weet regtig nie meer wat om te doen nie, dalk moet ek maar net opgee, op my gat sit en rustig wee en dinge aanvaar.

Anina ek is so reg vir druk hoor - bring it on girl

Ek glo Janine is fine, sy het gese sy sal sms as iets gebeur. Sy weet hoe ons almal uitsien na ietsie om te gebeur!

Waar is al die ander mammas? Is ons besig om hul te verloor . Toemaar een van die dae is kan ons almal net 'babataal' praat

Hoop almal behalwe ek J & A het n rustige nag mag jul babas baie goed wees met jul

Gerne, die krampies kom maar vir my ook meer in die aand. En vir een of ander rede word ek amper elke oggend 3 uur wakker en dan verbeel ek my daar is 'n rede voor. Dan kry ek 'n kontraksie of twee, staan baie opgewonde op, loop bietjie rond, drink dalk hot chocolate en dan is dit weer weg...

Is jy gereed vir daai druk kompetisie? Ek het 'n aanvoeling dat ek gaan verloor...

Ek dink ook mense moet eerder kom kuier as baba bietjie ouer is, oupa gaan hierdie trippie vir 6 weke weg wees. Dis darem nie 'n leeftyd nie, en ek het hom mooi op facebook aan die gang gekry so hy moet maar fotos kyk.

Ons het nou nou om die blok gaan stap, dis plotte hierdie so om die blok is vrek ver! My heupe is nou sommer seer daarna. Maar hopelik het dit gehelp, ons sal maar sien. Pappa raak ook nou ongeduldig gewag, hy sien so baie uit na sy dogtertjie, dis so cute! Hy praat met my maag en vertel haar baie mooi dat as sy nou vannaand kom, het sy haar eie verjaarsdag, daar is bitter min dae in die eerste helfte van November wat nie reeds deur ander familie gevat is nie.

Nog steeds nie weer van Janine gehoor nie, weet iemand of sy besig is, of is sy besig om te kraam? Kom ons hou duim vas dat Ilse se gommetjies bietjie losgekom het!

Anina, ek weet pesies hoe j voel, met H het my sus gepressure want hul moes terug witrivier toe en nou is my skoonouers hier. Goed soos: ons het nou al die pad verniet gekom, help nie as mens self j baba in j arms soek en dan nog sleg voel oor familie. Ek weet dis moelik maar jy moet probeer dat hul j nie beinvloed nie. Hoekom kom die mense nie 2 of 3 weke na baba gebore is nie???

Carmen, daar is niks mooier as n trotse mamma nie en dis so wonderlik om almal so te hoor praat, so almal MOET brag! Hoop daai pille laat jou soos n klip slaap en dat jy more baie beter voel.
Bly sy is mooi gesond, wat weeg sy nou?

Christa dankie vir die mooi woorde!

Ekt nou so lekker gesit en chat ek het die wortels verbrand LOL. En nou dat ek stil sit kom die krampies, rugpyn en BH weer terug, wonder hoekom net in die aand.

Christa en Carmen, dankie! Ek dink egter nie dat hulle dit enigsins aspris doen nie. Ek dink dis dalk ek wat druk op myself sit. Maar dis nie lekker as oupa se: lyk my nie sy wil haar oupa sien nie... Nou gaan ek dit net ignoreer, dis anyway nie iets wat ek kan beheer nie. As sy voor Donderdag kom is dit 'n bonus, na die tyd is dit jammer vir oupa.

Carmen, jy kan maar lekker babbel oor Riley, dis lekker om saam met sulke trotse mammas te kan chat! Sterkte met jou pyn, jy's reg dis nie heeltemal cool om 'n soet baba te he en dan vir ander redes uit die slaap gehou te word nie. Hoop die medisyne werk!!

Janine, jy is lekker stil vandag. Ek hoop dis omdat jou kontraksies nader en nader aanmekaar kom!

Gerne, jy moet maar reg maak vannaand, ek dink ek en jy moet 'n druk kompetisie hou, en ek praat nie van armdruk nie...

Ralmarie, ek kan nie glo Andre is al 'n maand oud nie! Dis so cool. En Mare en Samantha is sommer al groot. Julle is gelukkig, die einde van daai eerste moeilike 12 weke is in sig. Myne gaan teen Kersfees nog maar eers so 8 weke oud wees.

By the way, wat koop mens nou vir 'n pap baba vir Kersfees? Of los ons die moeilike besluite vir die oumas?

Hi julle

joe, het een besige dag agter die rug!

Het vandag dr. toe gegaan en inspuiting en nuwe medisyne vir my spierspasma's en inflammasie gekry, so julle, hou nou duim vas dat dit werk!!!!! Ek kan nie een nag meer wakker sit met die vreeslikste pyn nie

Dis eintlik belaglik, hier het ek 'n baie soet baba en ek sit wakker innie nag met my eie pyn!

Gerne, so jy se Donderdag is D-day! Ag nee man, jy "fail" niemand deur 'n indukie te laat doen nie jong! Dis tyd vir R om sy verskyning te maak, en soos miskien verras die mannetjie jou tog voor Donderdag nog!

Janine, so die tyd is ook hier!!!!!

Anina, nee wat, skoonpa moet maar plan maak, jy moet net rustig wees en laat dinge sy gang gaan!

Riley was vandag vir haar Newborn photoshoot!! Ag dit was te cute man, daai kaal ou lyfie Kannie wag vir die foto's nie, sal dit eers weer oor 3 weke kry!

Dan was ons vandag ook by die pediater: Sy is een vreeslike gesonde babatjie! No probs, haar kleur, alles is 100% en sy het pragtig gewig opgetel! Sy het al 224g opgetel en is al op 10 dae verby haar geboortegewig, wat vroeer is, so pediater is baie impressed

Ons moet maar net aangaan soos ons aangaan, want sover werk dit.

Haar naelstring het ook gister afgeval.

Ok, skies, babbel ek nou lekker oor Riley

Sterkte aan Janine, Gerne en Anina, en aan al die ander mamma's, lekker aand en hou asb. duim vas dat ek vanaad beter voel! Ek kan nie meer die pyn handle nie!

Janine tel maar jou daggies! Ek dink egter Ilse gaan jou verras. Gerne jy voel nou soos ek oor die borsvoed voel. Maar weet jy wat, vir Ruben is al wat tel dat hy in ñ liefdevolle kring gebore word en grootword. En dat mamma hom met liefde in haar magie gedra het! Sien dit so: Jy wil hom so graag he dat jy nie langer kan wag nie! Anina dalk voel jy of jy gedruk word om te perform omdat jy voel jy stel skoonpa te teleur. Maar dis glad nie so nie! As hy so graag hier wil wees vir die geboorte, sal hy ñ plan maak. As iemand nou weer iets sê wat druk op jou plaas, vra hulle hoekom hy nie plan maak om langer te bly nie. Jy weet wat jy wil he en basta met die res! Babas kom wanneer hulle gereed is! En Claudia is duidelik nog nie reg nie! LOL! Ralmarie julle moet lekker kuier! Veilig ry! Waar is almal? Dis maar stil! Lekker dag julle!