March 2013 Mommies to be...

Widget
Ek is so jaloers op jou!!!! Ek het nog niks gevoel nie...en ek is so opgewonde om iets te voel. My magie groei ook alte lekker!

En...die hardlywigheid is 'n vreeslike probleem. Dit kry my vreeslik onder. My FS het vir my 'n voorskrif geskryf vir Duphalac Dry. Dit is veilig dwarsdeur swangerskap en borsvoeding en veroorsaak glad nie krampe nie. Dit is 'n poeier wat ek sommer saam met 'n glas melk drink. Mens kan dit ook by jou pap gooi, of selfs in warm drankies soos tee of koffie. Ek drink so elke 2de of 3de dag 'n sakkie en dit maak dit stukke beter vir my. Ek probeer om dit nie baie te drink nie, want ek wil nie enigiets inneem as ek swanger is nie, maar ek is verseker dat dit veilig is en ek het dit ook geadverteer gesien in 'n onlangse Baba en Kleuter.

Jou boepie is pragtig!!

Nixie
Dis die mooiste naam. Hoe spreek 'n mens dit uit: "Toe-wei" (Baie mooi...iets besonders wat ek nog nooit gehoor het nie).

Hallo Almal!

Dis bevestig ons kry n Dogtertjie!

Haar Naam gaan Tové wees!

Sy weeg 460gram en skop haar mamma lekker in die aande! ons is buite ons vel!

Seuntjie en n dogtertjie!!!! Die Here is goed!

Hallo almal!

Hoop dit gaan goed met almal?

Angelique geluk met die halfpad merk! Ek sal volgende week halfpad wees.

Ek het die laaste week sommer verdubbel in grote! Miskien is dit deelteliks omdat ons so lekker geëet het ook....ek het my geweeg vanoggend en sien ek het vanaf die 18e September 'n volle kilogram opgetel Het 'n prentjie aangeheg van my boepie nou - geen twyfel meer dat ek swanger is nie!

Ek sukkel nog met die moegheid maar my cravings is darm beter. Die dokter sê die moegheid is as gevolg van my lae bloeddruk, maar eerder laag as hoog. Hy sê ongelukkig tydens swangerskap kan 'n mens niks neem vir lae bloeddruk nie, maar dit hou nie gevaar in vir die babatjie nie. Hy stel net voor ek maak seker ek neem baie vloeistowwe in.

Ek is ook erg hardlywig sommer so skielik van verlede week af. Sukkel enige van julle daarmee? Ek weet mens kan fybogel en ek dink agiolax neem om te help....maar ek is nie so keen daarop nie. Probeer dit eerder regmaak self met baie water en hoë vesel kosse.

Voel enige van julle al beweging?? Hoe beleef julle dit?

Pappa het Donderdag aand sy hand op my maag gesit toe ons in die bed le en boetie het hard geskop - so hard dat hy dit kon voel! Wow, ek het nie gedink dit sal so vinnig al gebeur nie.

Hallo daar

Waar is almal so stil?

hoop dit gaan doed met almal!

Baie opgwewonde want Saterdag is ek officially halfway!!

Widget
Enetjie van elk! So heerlik! (Kan dink pappa is heerlik opgewonde oor die vooruitsig).

Ja....blykbaar is rekmerke redelik sterk geneties, so as jou ma of ouma dit gekry het..is die kanse goed dat jy ook sal he. En dan...die tweede faktor wat ook 'n enorme rol speel is blykbaar dieet en aanvullers. Ek lees tans 'n boek van Patrick Holford en hy se dat tekorte aan Vit C, Vit E, Sink en Vit B-groepe sterk geassosieer word met verminderde elastisiteit in die vel tydens swangerskap. So...ek vul aan dat dit klap en gooi sommer ook Sister Lilian se Calc Fluor Tissue salt (vir rekmerke en plooie) in vir ekstra gemoedsrus. Dit is veilig om tydens swangerskap en borsvoeding te gebruik en help dat 'n mens al die vitamines behoorlik opneem in jou selle.

Jy moet jou vakansie geniet!! Ek's jaloers!

Geluk met al die boepies wat nou begin wys!

Sjoe halfpad Chumm!

Ek smeer ook bio-oil en allerande ander rome. Nes jy sê jooste want ek is seker die rome maak wel 'n verskil, ek het nie 'n enkele rekmerk van my vorige swangerskap nie, en ek hoop dit is dieselfde met die een. Ek het nie geweet dit is geneties ook nie. Interessant.

Chumm vat miskien sommer 'n bottel bio-oil saam in jou handsak en as dit jeuk dan smeer jy, dit help.

Ek is baie opgewonde om te hoor as julle beweging voel hoe julle dit beleef! Julle moet asb laat weet.

AFM
Ons was gister vir ons 16 (eintlik 17 weke) scan & babatjie groei baie mooi, dit is 'n lekker groot en gesonde seuntjie! Ja so die keer is ons in die blou span! Ek het regtig gedink dokter gaan vir ons wys dit is weer 'n dogtertjie. Ek het gemenge gevoelens gehad op daardie oomblik, maar nou is ek regtig baie opgewonde! Pappa is net so bly en trots! Dit is natuurlik sy werk daardie. Ek spot sommer en sê hy gaan vir die eerste drie maande maar net moet pienk baby grows dra. Maar ek het gister sommer klaar blou kousies en 'n blou newborn baby grow gaan koop....

Ons gaan weg op vakansie nou van more af. Ons is so bly om bietjie 'n blaaskans te kry en weg te kom. Dan is dit nog net 'n kort tydjie to die einde van die jaar!

Nixie:
Ha ha! So daardie knapie/dogtertjie gaan julle nog vir 'n rukkie laat raai, ne!

CHmum:
Halfpad! Geluk!!
Toemaar....jy's nie alleen wat nog niks gevoel het nie. Ek sit ook en kan nie meer wag om iets te voel nie. Ek het so 'n week of wat terug gedink dat ek ietsie gevoel het....maar toe tot nou toe niks nie. So ek het my verseker verbeel. Dokter se dat sommiges eers in hulle 6de maand begin voel, want baba'tjie is nog 'n bietjie te klein om lekker skoppies te gee.

Bly om te hoor dit gaan goed met jou en dat die magie lekker wys. Ek smeer rome en olies dat dit klap. Oggende en middae en aande. Elke dag iets anders...maar Bio-oil is deel van die konkoksie wat ek brou. Ek weet dat gene 'n groot rol speel...maar as ek bietjie kan help om die moontlikheid te beperk sal ek tog so bly wees.

AFM
Het nie klagtes nie. Net deesdae weer aan die moeg kant. Eetlus kom en gaan en ek het nog niks opgetel nie. Gelukkig begin ek darem nou swanger lyk en lyk dit nie meer of ek net te veel vir middag ete gehad het nie. Ek luister gereeld na baba met my doppler en kan al hoor hoe hy/sy skop en tol. Hartkloppie is ook mooi duidelik.