*** Maart/April 2009 Mammas***

Delucey!! Ek dink ons twee kort 'n bietjie rescue drops na die week!! Vrek, mens skrik jouself dat jy nie weer kan regkom nie hoor! Shame, arme kids Maar dis mos presies hoe sulke dinge gebeur.. een dink die ander een kyk.. veral as daar heelwat mense is dan neem mens net aan iemand kyk. Dis hoe Pietertjie van die trappe afgeval het met sy loopring! Maar dis ook mos mans om gladnie op te let wat die kids doen nie terwyl ons heeltyd moet heen en weer agter al die kabouters aan! Dis vir my ook rerig uitputtend om by mense te kuier as hulle nie kinders het nie of hulle huise is nie "kinder vriendelik nie". Darem het julle net groot geskrik en niks ergs het gebeur nie

Kitty, wel die 3 wat hy inkry is def meer as wat Pietertjie op die stadium inkry! Hy eet natuurlik nog piesang en is mal oor kiwi vrug en pynappel.. maar die groente is maar moeilik!

Kitty ek het nou op daai vriendin van jou se profile pic die seuntjie gesien. Ai ek het sommer begin huil dis so 'n ou mooi seuntjie!

Julle sal nie glo wat het gister gebeur nie. Ek het mos daai shoot gaan doen en omdat ek nog nie my kar terug het nie het my man my gaan aflaai op pad na my ouers toe en toe my weer kom haal. En toe hy my kom haal het het ons eers so klein bietjie gekuier. Ek kyk heeltyd wat doen my twee hooligans en toe gaan Jaco en die man uit buite toe en nie lank nie of Bianca is ook uit en my vriendin se toe ook nogal sy sal ok wees want die mans is mos buite. WRAGTG!! Het sy in die swembad geval!! Hulle het so 'n los oortreksel ding oor die swembad en sy het lyk my gedink sy kan net aanhou loop. Jaco se hulle het met hul rue na die swembad gestaan en 'n plas gehoor maar die twee menere kyk toe nie om nie - eers toe sy halfpad in die water is het hul omgekyk. Gelukkig het sy stadig afgesak. Dit kon nou so anders uitgedraai het julle... wat as sy onder die seil ingegaan het en hul dit nie geweet het nie?! Trap toe my man uit. Ja maar hy het nie geweet sy is buite nie. Se ek toe vir hom hy moet altyd maar rondkyk want ek dink hy kyk en hy dink ek kyk... ek kuier nooit lekker iewers nie want ek moet heeltyd kyk waar is die kids want ek weet hy kyk nie en sien nou die een keer toe ek nou dink hy kyk gebeur dit nou....

Ek het die shoot toe nogal baie geniet maar voel maar nog dom met idees en leer nog met die lense en hoe om te fokus ens...

Kitty ek dink as dit vars vrugte is wat jy sap van maak tel dit as drie vrugte. Solank hy dit net inkry. Bianca eet nou weer elke oggend 'n appel. Eet hom sommer net so!

Kimika die vrou waar ek gister was se man se naam is Colin. Nog een van my af hahahaha

Sorry Kimika ek ook gegiggel , maar ja dink ek sou 'n senuwrak gewees het, want 1 Luan sou al lankal 'n scene opgesit het en my senuwees sou dit nie kon hou nie ! Dis tog oulik dat hy so sit en speel hehe.

Nog naampies...
Kian / Zian (sal agterkom ek hou van die kort naampies)
Jano
Jandre
Hendriko.

Vandag gewerk en onder andere van die pasientjies se name wat vassteek.

Lekker naweek vir julle.

Hello julle
Delucey hoe het dit gagaan met die maternity shoot?
Julle, Alex wil nogsteeds niks weet van groente en vrugte nie. Ek maak nou vir hom sap elke oggend met die "juicer".... maar ek moet pasop, want as ek sekere goed soos aarbeie insit,wil hy dit nie drink nie.. net appels en lemoene. Hy drink nou elke oggend die sap van 1 appel, 1 lemoen en 1 wortel.. ek weet daar is nie vesel in nie, maar ek wonder of dit nou net so goed is soos 3 vrugte??!?!!

Kimi, sjoe, dis VREK erg! Ek sou my doodgeskrik het! Ek dink ek sou dadelik 'n hamer gaan haal het, en die vooruit uitgemoker het! (sonder om te dink aan die belaglike kostes om die voorruit weer te vervang!!)
Na daai storie oor my vriendin se seuntjie wat verdrink het, is ek heeltemal uitgestres.. ek is heeltyd bang Alex kry seer, en raak mal as hy nie heeltyd onder my oe is nie!.... nie goed nie....

Julle my man gaan Dinsdag Afghanistan toe....

Sjoe Kimika ek sou ook groot geskrik het. En dis waar wat jy se mens dink nie altyd wat die implikasies gaan wees nie of mens vergeet net bloot om goed te doen.

Maar ek moet bieg ek het so bietjie gegiggel vir hoe jy vertel van jy en ouma wat staan en huil terwyl Pietertjie lekker in die kar speel.

OK ek moet seker nou gaan slaap!

Kitty, ek het nou wraggies vergeet om hom te meet! Hopenlik sal ek more onthou. En as iemand dit ooit waag om my man en seuntjie Piet te noem bars ek 'n aar! My skoonpa is Piet en dit is heeltemal genoeg..

Delucey, geniet die shoot more! Dit klink great

Julle, ek het vandag vreeslik groot geskrik!!! Ek en Goggie het 'n groot oepsie gedoen.. Ek wou die kar was, en is toenou gladnie lus om by die carwash te sit nit, en ek het die oefening en buitelug nodig. So besluit toenou maar om sommer self die kar te was. Trek vir ons altwee kortbroeke en ou hempies aan en daar gaan ons. Ons was by my ma-hulle so hulle het lekker als om 'n valet te doen. Goggie is natuurlik mal daaroor om binne die kar te sit en speel terwyl ek dit was so dit was heel lekker die speletjie... maar Mamma het nie mooi gedink nie en los die kar sleutel binne in Ek skrop nog so lekker toe hoor ek hoe die kar se deure sluit!!! My hart het dadelik gesink en dis asof ek in daai paar milisekondes die hele implikasie van die ding besef!!! Ek het nie 'n idee waar die spaarsleutel is nie!! Al die deure en die boot sluit op een slag en al die vensters is toe Meneertjie sit binne die kar en speel met die sleutel.. ek se hom toe om die knoppie te druk wat hy natuurlik oor en oor doen maar die verkeerde een. Toe raak dit erger en hy laat val die sleutel tussen die sitplekke in.. nou kan hy dit nog bykom maar het belangstelling verloor. Ek wou sommer dadelik huil maar besef dat hy dalk gaan agterkom ek is gestress. Roep toe my ma om hom te kry om die sleutel uit te haal en die knoppie te druk. Hy het actually gestrek om die sleutel op te tel maar hy het dit toe net te ver ingeskuif en verloor belangstelling. Ek weet toe daar is nie 'n manier nie, weet nie waar die sleutel is nie.. tussen die laaste trekkery het dit iewers in 'n boks beland en ek het dit nog nooit weer gesien nie, dit sal inelkgeval heeltemal te lank vat om te ry en gaan soek! Die kar staan in vol son en dis vrek warm. Mamma en Ouma staan toe nou maar langs die kar en huil terwyl Goggie binne speel en die toeter druk Ons het toe omtrent vir nog so 20min probeer om hom te kry om die sleutel uit te haal toe my pa kom en hy die agterste klein 3hoek ruitjie breek en die deur oopmaak. Dit was vreeslik!!!! Die outjie het toe nou al gatvol geraak vir die hele speletjie en was op die punt om te huil, hy het al teen die vensters begin slaan.

Ek kan nie glo ek was so dom om die sleutel binne saam hom te los nie Dis rerig dom!! Wys net hoe agterlosig kan mens wees!! Ek dog my man gaan uitfreak oor ek so dom kan wees maar hy het darem net gelag.. shoo! Die enigste probleem is nou dat ons die laaste paar maande die versekering moes kanselleer oor die gemors met ons besigheid en ons finansies wat so terrible was. Die kar is meestal inelkgeval by die huis en ek ry omtrent net 2keer 'n week met hom. Nou gaan ons die ruitjie uit ons sakke moet regmaak en hulle is gewoonlik vrek duur!!!! Boohooo!! Maar die ruitjie se prys is niks as ek weet dis al hoe ek by my seuntjie kon kom.. aai julle..

Kimika watse doedoe pilletijes is dit? Ek moet se Bianca slaap nou weer die laaste ruk baie goed in die aand. Sy sal dalk wakker word dan gee ek net vir haar haar bekertjie met water en dan le sy weer.

Ja Kitty ek stem oor die name verkort. Het gedink Eben sal nie verkort kan word nie maar wragtig is daar van my vriendinne wat hom Ebie noem! My ma hulle het my broer Christo gedoop sodat hy nie heeltemal dieselfde naam as my pa het nie (Chris) maar hy stel homself nou al vir jare aan mense voor as Chris haha so hulle kon maar netsowel hom Chris gedoop het.

Ek doen more my eerste maternity shoot en is nogal opgewonde daaroor maar ook baie op my senuwees. Bang en jaag aan hehe maar ek doen dit verniet om 'n portfolio op te bou en te leer so hulle kan nie kla as ek te veel droogmaak nie