gesels saam op die pad na geboorte

Haai aan al die Faeries!
Hoop dit gaan voor die wind!
Momzee - waarna toe het die tyd gegaan?? 35 weke! Hoe voel jy?

Kayla - Hoop alles verloop goed af, probeer dit rustig vat.. 5 weke is NOU!!!!! Flippen hel, dit voel asof amal se swangerskappe net veby vlieg - Hoeveel weeg boetie nou? En het julle al besluit op 'n naam?

Bytjie - Ek is al so moeg om op te staan om te gaan pieps.. Ons het 'n hoe bed, en dis 'n mission om soos 'n wors van die bed af te rol.. En dan gebeur dit elke uur... En dit voel asof dit een hengse piepie is, dan is dit 'n paar druppels...

Eks was nou gister 29 weke.. Was vandag by die Dr en sussie weeg al 1.3kg.. Sy vorder mooi aan. Ekt ook my baba tee gehad en WOW is al wat ek kan se.. Ek weet nie wanneer die baba al die klere en goedtjies gaan dra nie.. Ekt nou maar begin uitspoel, en sommer terwyl ek besig was haar tassie ook begin pak.. Ek pak nou weer hopeloos te veel goed, maar my man moet die sak dra, so ek is nie te veel ge-warry nie LOL

Ek moet nog my eie goed uitsorteer... Ek wonder of dit nie maar makliker is om die sak te koop by die hospital nie, ek weet nie waar 'n mens die bed liners moet kry nie.. Dit klink asof hierdie een hengse warzone is.. Met al die doeke (want daardie maternity pads is scary) waarna toe ons oppad is.


Verder hoop ek dit gaan goed met elke liewe een van julle! Nie meer lank nie dan hou ons kersfees saam met die babies, ek weet ek het virseker gekry waarvoor ek gewens het!

Lalie xx

Goeie middag dames

Ek is nou eers 17 weke swanger maar is baie naskuurig oor die dischem sak wat het julle als gekry?


Dankie
Alicia

More julle,

Momzee, eks jaloers oor jy nou al met 'vakansie' gaan . Ek glo darem nie poppie sal langs die veld wil uitpop nie sy's mos darem is dametjie. Dis so spesiaal wat die kinders vir jou doen ne. Hoop die tyd vlieg om tot wanneer jou kleintjie kom. Ek gaan vir 'n keiser.

Kayla, julle het darem ten minste nou vir meneertjie mooi voorberei indien hy sou besluit om bietjie vroeer te kom. So jy het ook nog net basies 3 weke oor van werk. My afspraak is 11 Augustus.

Dellie hoe gaan dit met jou?

Lalie jy's skaars

Lekker werk almal en Momzee geniet die laaste dag.

More almal!!!

Super excited!! My kraamverlof begin more, so dis amptelik my laaste dag by die werk!!

Sal nog so af en toe inpop, want ek is bietjie (baie) van 'n control freak en die vrou wat in my plek kom is horingoud (70) so ek voel ek moet net so af en toe kom inloer om seker te maak die skippie seil gladweg.

Ek stap nou sterk aan na 35 weke en wonder elke dag wanneer my meisiekind gaan besluit om haar opwagting te maak. Hopelik nie nou al nie, maar die opgewondenheid raak net meer en meer! En hopelik besluit sy nou ook nie om te kom wanneer ek langs die hokkieveld staan tydens interskole die 16de Augustus nie. Atleast is ek dan darem in die kaap en sal alles byderhand wees.

Die kids in die skool is so dierbaar. Kry omtrent elke dag nog 'n pakkie van kind af. Vandag is dit 'n pienk en wit two piece babygro met 'n beertjie op en ore op die kappie. Gister was dit sokkies, wessie en water boots! Ai, ek gaan die kids mis. Seker ook net tot ek besig raak met my eie enetjie!

Anyhow, stay happy and healthy almal!!

O ja, wou nog vra: wie gaan almal vir keiser en wie gaan vir normaal?

More Julle

Skies ek is so stil. Was nou vir 3 dae in die hospitaal om vir boeta sy kortisoon te gee sodat sy longetjies mooi ontwikkel as hy wil vroeg pop. Vandag terug werk toe, sug. Darm amper klaar, kan eintelik nie meer wag nie. Ek gaan die laaste week van augustus af vat. Dokter reken ek gaan gelukkig wees as ons dit maak tot dan. So ek knyp maar. Nog net so onder die 5 weke oor dan kom ons seun.

Momzee, ek voel jou pyn met al die afsprake, dit raak nou duur. My medies betaal darm nog vir alles, maar ek sal van nou af self vir my sonars moet betaal. Ek het my limiet vir die jaar bereik, darm is die konsultasies nog gecover. My dokter charge my nog elke keer vir n sonar, maar ek gee nie om nie want sy doen n behoorlike sonar elke keer en dan gee dit my peace of mind.

Bytjie, ek sal nou nie in die TMI ingaan nie, maar ek dra maar pantyliners. Bytjie, ek is so bly jy het nou double digits bereik. Na al die ttc praatjies, word elke dag net n werklikheid dat jy nou amper hom/haar gaan vas hou. Ek sien my dokter ook weer 8 Augustus (dan is dit jou afspraak ook ne?)

Dellie, jy is nou ons eerste een wat gaan kraam, sterkte vir die laaste stretch. Sussie weeg mooi. Ek kan nie glo jy het nog net 3 weke oor nie. Voel soos gister wat jy van dokter strikdas gepraat het.
Lekker dag vir julle almal. Ek sit hier vas aan die slaap. Na 3 dae se "rus" voel dit werklik soos n blou maandag.

More dames, hoop dit gaan goed met julle almal.

Ek sien nou eers my oorblywende dae van swangerskap is 99 . Kan nie glo die tyd het so gevlieg nie. En met die dat ek 'n keiser kry is die oorblywende dae nog minder

Ek werk lekker halfdag, moet ML se kossies en tassies inpak, die gaan Mpumalanga toe en kom eers Sondag weer huis toe .

Julle dames moet lekker werk.

Hi Momzee, ons is seker so 10 min of minder as die verkeer mooi is, van hospitaal af. Ek het hom gevra van 'n neussproei toe sê hy net daar's niks wat ek kan gebruik nie, dis gelukkig nie sinus nie.

Gebeur dit met julle ook. Ek het letterlik net die toilet ge-flush en dan nies of hoes ek miskien dan kom pieps uit. Nou die oggend net voor ek in die stort klim nies ek (maar ek staan in my geboortepakkie in die badkamer) toe loop die pieps langs my bene af ML sê nou ek's 'n pisgat, toe sê ek hom as hy weer op my senuwees werk dan gaan ek hom sopnat pieps