Oktober mammies 2010

Grenaat jy beleef duidelik 'n baie deurmekaar dag! Dis moomie en e-mail. Die 1ml klink vir my na 'n verlaagde dosis, ek sal glo dit verdwaal in jou ou bolletjie! Ag hy is darem so oulik!

Dankie, dis vandag.

Melody ek kom nou eers by! Geluk met die juffrou wat wil begin kruip! En sy het al amper 'n hele mond vol tande!

Ralmarie stuur groete! Sy se dit gaan dol. Andre was baie in die loopring en nou dink hy hy kan sommer net loop! Dan los hy die tafel om na die bank te loop en slaan neer. As sy hom nie in die loopring sit nie, kan hy nie saam beweeg na die ander vertrekke nie, dan raak hy blykbaar vreeslik kwaad. En hy wil nie kruip nie, leopard crawl net so op 'n manier.

Julle die ou kleintjies word net te vinnig groot!

My grootseun verjaar Donderdag...

HI

shoe ek vat weer nie grond nie. skies ek is stil.

Ja Anelize het gister op 'n foto van my gecoment op FB, ek het amper agteroor geval sal haar bietjie aanse om te kom groet!

Ek het nie geweet mens kan nie so baie van Texa vir hul gee nie, my apteker het gese 1ml elke dag vir die winter. ag dis darem nog net 2 mnde. en ek dik 1ml verdwaal vinnig in daai bolletjie van my

Whoop Whoop, geluk klyn Kayla met die ampertjies daar kruip! ag dis te cute man.

Baie geluk met jou huweliksherdenking!! of was dit nou gister??? maar geluk anways! dis baie spesiaal.

Great vir Claudia'tjie se sleep training. hou net uit, jy gaan die vrugte pluk! ek will ook begin met ruben maar jis hy drink ook nou 2keer 'n nag so nie seker hoe ek dit gaan regkry nie, en sonder 'n dummy ook. sal maar dalk die tee ding doen maar ek dink ek gaan maar wag tot die somer.

Hasie wanneer verjaar mamma se grootseun?

Ek het nou net gesien Annalize is hier! Sy beter kom hallo se!

Hasie, ek ervaar dieselfde met die Prospan. Mare het gisteraand aanmekaar gehoes, toe gee ek dit. Ons het almal deurgeslaap sonder 'n enkele hoes in die nag. Vanoggend aanmekaar gehoes, gee Prospan, toe ons by dagmoeder kom het hy opgehou hoes. Ek dink dis wonderlik. Beste van alles dis NATUURLIK!

Ons troue was vir my romanties. Dit was net ons, my pa en sy vrou en dan ons albei se moeders en manlief se twee seuns. Dis al. Ek is in 'n broekpakkie getroud, geen fieterjasies nie en toe ons uitkom na die tyd is die hele berg toe met mis. Hogsback is 'n pragtige sprokiesplek! Gaan kyk bietjie na www.hogsback.co.za en ook www.hogsback.com Die fotos kan net nie die sprokies-effek so mooi weergee nie!

Dit klink of jou nagte nou sommer stukke beter verloop! Dis darem erg as mens so min slaap!

Ek het 'n moeilike man om voor geskenke te koop! Ek moet maar so deur die jaar mooi luister wat se goed hy graag wil he of voel hy het nodig. Hy is gadget mal, maar my beursie is nie altyd so mal oor die gadgets nie! Baue bly Johan het toe sy boek so geniet! Skoon vergeet van slaap!

Kwaatjie, geluk met julle huweliksherdenking!!! Dit klink of julle 'n baie romantiese troue gehad het! Hoop jy kry 'n hele boks tjoklits!!!!

Ek hoop Mare is gou gou beter. Ek het toe vir Stefan prospan gekoop, hy is mal daaroor. En ek ook.

Gewone hoestroop = hiperaktiewe Stefan
Prospan = gewone aktiewe Stefan
Gewone hoesstroop = hoes nog steeds
Prospan = heel nag niks hoes nie
Gewone hoesstroop = proe baie sleg, moeilik om dit in sy lyf te kry
Prospan = proe soos heuning, hy drink dit sommer self!

Ek het nou vir Claudia begin sleeptrain, maar nie met opset nie. Ek is moeg daarvoor om 10 keer 'n nag op te staan (ok dis seker nie 10 keer nie...) so nou het ek besluit ek gee net dummy tot sy regtig 'n bottel demand. En dit werk! Ek sit dummy in, seker so 3 keer tussen 10 en 12 en dan slaap sy deur tot 7:30!!!!!!! Voorheen het sy bottel gedrink so 11 uur, dan weer 2 uur en dan 5 uur wakker geword vir die dag. Ek kan nie glo sy slaap nou skielik so goed nie, ek voel sommer soos 'n nuwe mens!

Bollie, manlief moet maar vir jou ook 'n boks tjoklits koop na hierdie alleen week. Sterkte!!

Ek het toe gister vir Johan 'n boek gekoop vir sy verjaarsdag. Arme man van my, ek is 'n boeke mens, hy haat lees... maar hy is altyd mal oor die boeke wat ek vir hom koop, wie het ooit gese 'n man kan nie verander nie, hy is vinnig besig om in 'n boeke mens te verander. Hy het gisteraand begin lees aan die boek en ek moes hom voor die TV gaan haal 12 uur om bed toe te kom, toe sit hy nog en lees (TV af) hy kan nie die boek neersit nie! Dis 'n Christelike fiksie boek, geskryf deur Wendy Alec. Ek het by iemand gehoor dis 'n great aksie belaaide boek met ongelooflike beskrywings van die geestelike stryd tussen bose en engele. En Johan het al sulke boeke self gekoop en baie geniet, so ek het die spyker op die kop geslaan. Hy was bietjie afgehaal toe ek alweer vir hom 'n boek in die hand stop, maar hy het skaars daarna gekyk toe glimlag hy van oor tot oor en begin lees.

More more!

Stella daai klein Xander is sooo cute! Hy het beslis pret gehad in die sand! Hoop die loopneusie klaar gou op! Ek het 'n Chelino stoeltjie vir Mare. Werk vir my baie goed. Mare drink Orelox (antibiotika vir 10 dae) en dan Covancaine oordruppels en Panamor setpille. Hy is al heelwat beter, het net 'n hoes ontwikkel nou gee ek Prospan daarvoor. Hy slaap gelukkig goed in die nag. Ek het net sy melk weg gevat vir nou, dit maak te veel slym dan raak hy naar. Gelukkig eet hy goed en drink dan rooibostee.

Bollie ek is 'n sjokolis en sou beslis die tjoklits opge-eet het! Hoop dit was lekker! Aaklig vir die week en 'n half alleen! Gelukkig is Riley nou daar en is jy darem nie heeltemal alleen soos voorheen nie! Lol vir die loopneus wat mamma erger pla as vir Riley! Probeer maar die tissue salts, dink no 5 en 9 help vir loopneus en so.

Grenaat ek wil net so graag vir Mare 'n sandbak kry! Dis darem die lekkerste speel wat daar is! En jy is reg, dis so lekker as hulle in mamma se arms troos soek.

Stella is reg die Texa is 'n antihistamien. Dit word ook voorgeskryf spesifiek vir bosluiskoors en vlooibyte en sulke goed om die gif uit jou liggaam te kry. Is baie effektief, maar soos enige antihistamien moet dit nie te lank aanmekaar gebruik word nie, aangesien jou liggaam dit gewoond raak en dan werk dit later nie meer nie. Aan die ander kant is daar mense met erge allergiee het en tog deurlopend antihistamiene gebruik. Ek dink die beste is om met jou dokter of apteker(as jy hom/haar vertrou) te praat.

Mare het darem goed geslaap! So mamma het ook 'n goeie nag gehad! Ons is vandag drie jaar terug in die St. Patrick on the Hill klipkerkie op Hogsback getroud!

Lekker dag!