Oktober mammies 2010

Christa, ek bid beslis saam met jou! Sterkte!

Ek wil self he dat 'n wonderwerk dit moontlik maak dat ek self na my kiddies kan kyk. Ek sien nou eers dat ek by die huis is hoeveel Stefan my nodig het. En hoeveel ek mis deur nie hier te wees nie. Ek dink Claudia sal ok wees as ek nou terug gaan werk toe, maar vir Stefan gaan dit baie moeilik wees! Ek voel jou pyn Gerne, dis baie erg.

More julle! Ek sien julle gesels oor doop name. Maré is Maré Johan. Maré is al honderde jare in Piet se familie deel van die volle doopname wat Pieter Gabriel Maré is. Sy oudste seun het die volle name gekry. Die naam Maré is nog nooit voorheen as noemnaam gebruik nie, toe besluit ons daarop. Johan is my pa se eerste naam en ook noemnaam. Toe besluit ons om dit as 2de naam te gebruik. Ons het dit as verrassing gehou tot die aand voor die doop. Kyk daai oupa se knope wou oopbars van trots toe hy Maré die Sondag doop. Toe ek nog boonop uitvind dat Johan 'geskenk van God' beteken, het dit alles mooi in plek geval. Elaine sterkte met die uitpak! En die siek kids! Melody jy is naar met Carmen! Maar ek sien sy geniet dit om haarself te straf deur food channel te kyk! Lol! Ai Anina toe jinx jy jouself met die slapery! Hoop jy kry vandag bietjie ruskans! Julle ek bid ernstig vir ñ halfdag pos en oor ñ ander moontlikheid van inkomste sodat ek Maré meer kan sien of dalk self versorg! Sal julle asseblief vir my bid vir rigting? My ou seuntjie roep. Lekker dag almal!

Jy is reg Melody, dis net die geboorte sertifikaat wat die regte name se. En by die skool maak jy net seker hulle sit haar noem naam op die klaslys.

Elaine, geluk dat julle klaar getrek is!! Dis 'n mission! En sterkte met die siek kindertjies en die doop reelings. Hoop alles verloop glad.

Elaine, ek hoop jy kry als uit gesorteer teen Sondag en hoop sommer die kiddies is baie beter vinnig.

ek moet, ek voel reeds skuldig...

jys gelukkig want Anna Claudina is mooi name, en dis mooi as jy by tradisie kan bly. Myne was n bietjie van n moeiliker een. My man se name is Edward William Wordsworth, hy is related aan die poem William Wordsworth, so ek moes as ek n seun gehad het die naam William in die mix sit en n dogtertjie Carey.....wel, hoe kies ek Carey as my ma so graag haar naam daar sal wil he....toe noem ek Kayla :
Kayla Gale Carey...so sy dra swaer, maar volgens my is dit mos net op die geboorte sertifikaat....almal ken haar mos as Kayla.

Jammer ek is so stil. Ons het die naweek getrek en dinge is nog maar vrek deurmekaar. Ek is veronderstel om alles uit te pak, maar kry nie kans nie. Nadia het bitter min geslaap deur die dag vir die afgelope 2 dae. Nou lyk dit of sy vandag rustig is, nou het ek ander goed wat ek moet gaan doen, soos om vir Christie dr toe te vat, sy het 'n vreeslike sinus aan haar en slaap baie sleg en hou my wakker.

Nadia word Sondag gedoop, so ek wil darem die huis aan die kant he voor Sondag.

Ek moet nou eers weer hol, moet reg maak om dr toe te gaan.

Melody, die name ding doen nogal iets vir die oumas en oupas ne! Stefan is Gerhardus Stefanus, vernoem na my skoonpa, en sal jy glo hy LYK soos my skoonpa!! Dis oupa se enigste kleinseun en hy love hom.

Claudia is weer vernoem na my ma, met my ma se volle name (Anna Claudina) en my ma het sommer snot en trane gehuil toe ek vir haar 'n foto van die geboorte sertifikaat stuur. Alby my sussies het ook hulle dogtertjies na my ma "vernoem", maar hulle kiddies is Anel en Nadine, weet nog nie so lekker hoe hulle by Anna Claudina uitkom daarmee nie en hulle het nie die volle name gebruik nie. So my dogtertjie is die enigste een wat die regte name het, en dit maak 'n verskil. Sy word vreeslik deur ouma bederf. Ek is ook na my ma vernoem, en ons het die name Anna Claudina terug getrek tot in die 1700's 'n ononderbroke lyn, so ek het toe maar besluit om nie die een te wees wat die lyn verbreek nie!

Bly dit gaan goed met jou! Jy moet meer gereeld kom inloer!!