Oktober mammies 2010

Hi julle! Was lanklaas hier, so ek gaan nie op alles reply nie.

Hasie julle is enige tyd welkom, maar dis 'n bestiering dat dit nie die naweek uitgewerk het nie. Ons is almal vrot van maaggriep, dermontsteking en allerhande maagvirusse. Ek het eintlik Vrydag in die hospitaal beland met dehidrasie. Kon dit nie glo nie! Dr se dis 'n lelike virus in die dorp. Sjoe ek sou ook 'n hartaanval gehad oor die geklouter! Nou het on 'n Claudia "kansvatter" ook!

Dragonfly bly jy is nog hier! Kayla gaan haar present gate uit geniet! Dis baie oulik!

Bollie 'n swart broek en mooi top is altyd 'n WEN! Julle moet die troue geniet! Jy moet 'n foto van Riley se verjaardagkoek kom wys!

Grenaat ek hoop jy kry die slapery uitgesort! Dit kan nie lekker of maklik wees as dit so gaan nie! Mare het ook soos Ruben op sy maag gaan le van kruip posisie af en toe later sy boudjies so op en af gewip om albei bene gelyk vorentoe te kry. En die volgende oggend het hy net gekruip! Nou is die klits katjie van die baan en kruip op sy eie die hele huis vol! En hy agtervolg die graagste vir pappa waar hy ookal gaan!

Voetjies dit klink omtrent dol daar by julle! Jammer om van jou oom te hoor, baie sterkte vir julle en die ander familie! Probeer die "attachment fotos" regs klik en "open in new tab". Ek kan hulle ook nie altyd sien as ek net daarop klik nie. Maar 'n nuwe tab werk elke keer. Ek maak sommer vir Mare roereier of kook 'n eier en druk dit dan in kleiner stukkies wat hy kan eet. Jy kan selfs 'n eier bak en vir haar opsny en gee. Maak die roereier dat dit effens klam is en probeer die eier kook of bak met 'n sagte geel, anders is dit droog.

Okay hierdie mal vrou (dis nou ek) het besluit sy gaan self die koek bak en met plastiese versiersel oortrek en dan met diere uit plastiese versiersel versier. Die diere moet vooraf gemaak word om te set. Ek het nog net 2 klaar. Hoe ek dit wil regkry, weet ek nie, maar hulle se mos waar 'n wil is, is 'n weg. Sal maar bietjie oortyd insit in die aande. Het toe besluit op 'n wilde diere tema, en nou sukkel ek om bordjies te kry. Sal maar effe kleur borde gebruik. Servette is by Che.cke.rs beskikbaar. Ek sal kom fotos wys na die tyd. Dis die eerste maal dat ek plastiese versiersel gebruik, maar manlief se mos ek is stapelgek, want ek hou daarvan om nuwe goed vir funksies te doen SONDER OM DIT VOORAF TE BEPROEF!

Hoop dit gaan sommer baie goed met julle almal en dat hierdie week heerlik is!

PS Samantha word more een! (Elise)

Madam Riley het gister te lekker saam haar maatjie Mignon gespeel op die klimraam en in die sandput:

Hi

Voetjies, sjoe, die setup daar by die huis is effe complicated to say the least!

Shame, hoop alles keer weer terug na normaal binnekort!

Voor jy jou oe uitvee is klein Mia besig om te loop, dit gebeur regtig soos in 'n oogwink. Riley het letterlik binne 2 weke geloop, so dis nie meer lank nie...

Ek gaan ook maar vir Riley se bday swietspakkies maak vir die kids, daar gaan 'n koek wees en ek sal balonne en bordjies koop en vir die grootmense sommer worsbroodjies braai.

Waar ek ook die geld vandaan gaan kry weet ek ook nie, want voor jy jou oe uitvee dan is dit baie baie geld

Hier is die prentjie wat op Riley se koek kom:

Hi julle.
Bly om te sien dit gaan goed met almal.
Hier het dit bietjie rof gegaan die laaste tyd. Was my 30ste verjaarsdag beplanning en toe die party. My tannie en oom het by my kom oorslaap en is juis nou weer by ons. Ons huis is gewoonlik die oorslaap plek vir family wat op pad is om by ander family te gaan kuier! My ma was by my vir my bday. So dit was maar ’n aanpassing met soveel mense in my huis. Toe is my ander oom gister oorlede en dit was ’n bedrywige dag. Nou is my ouma en oupa op pad na ons toe, so ek moet kamer en woonstel regkry ens. ens. ens. (ons huur my ma’lle se huis, want my ma en pa het ’n besigheid by die see gekoop, my ma het solank soontoe getrek, my pa bly nou in die woonstel agter die huis (waar my ouma hulle altyd gebly het, maar hulle het saam my ma getrek), tot my pa volgende jaar op vervroegde pensioen gaan en ook trek na my ma toe. Nou met my oom se dood, is my ouma en oupa op pad terug, hulle trek terug in die woonstel in en ek moet vir my pa die buitekamer regkry waarin my broer altyd gebly het. Dan as my ma ook kom kuier, dan sal my ma en pa in my huis in die spaarkamer moet slaap, want ek gaan net ’n enkel bed in die buitekamer insit. Sorry, nou’t ek eers die setup verduidelik! O en tans is die buitekamer so ’n gemors want dit is waar ek al die Fairy Godmother donasie baba goedjies stoor en ek’s actually nog besig om dit te sorteer volgens grootte, seisoen, geslag ens. ens. ens., so nou moet ek ’n ander stoor plek vir die magdom goed kry! En dan is manlief nog siek ook!
So ja, dit gaan deurmekaar by my en dit voel of ek nie orde kry en weer alles terug kry in roetine nie.
Verder gaan dit goed. Mia’tjie is lekker bedrywig, sy is ook baie gefrustreerd met haarself want sy wil loop en kan nie verstaan hoekom sy dit nog nie regkry nie. Sy kruip skoon met die een been reguit/regop! Staan heeltyd op teen alles en loop dan al in die rondte sovêr sy kan vas hou. Sy het ook ons verras met nog 2 tandjies wat begin deurkom het Vrydag. So dit verduidelik nou die sleg slaap, sleg eet, sleg alles. Die vorige 4 tande het gekom sonder enige probleme, maar die 2 is ’n ander sakie. En kyk, van Vrydag nag to gister dink ek is ons deur 40 doeke, want elke doek is ’n suuuuuuurrr, vreeslike doek en dis omtrent elke ½ uur of uur. Ek was al bang sy gaan dehidreer. En toe het sy êrens deur die nag weer so ’n doek, wat ek gemis het van moegheid en vanoggend toe ek haar doek ruil is die boudjies (en koekie) bloed rooi, erg, gebrand!  Voel so vrek jammer vir haar daaroor.
Dis nog bietjie vroeg, maar ek wil ook begin dink aan wat ek met haar 1ste verjaarsdag wil doen. Dink ek gaan vriende met kinders en family nooi en dan vir die kids pakkies opmaak en groot mense moet maar kom vir ’n bring en braai en ek sal bykosse voorsien. En dan maak ek die hele party om ’n “swembad partytjie”. Ha-ha, dis nou my idee omdat die swembad steeds nie ’n heining of net op het nie. Ek’t gedink op die manier weet ons almal dit gaan rondom die swembad wees en die kids moet gegear kom!
Sorry ek reply nou nie op almal se posts nie....maar ek kan nie alles onthou nie. ek lees elke post op die email notifications wat ek kry!
Ek was gister baie verbaas om te sien dat Mia’tjie “weet” van deel...op haar manier! Of so dink mamma... Want gister by die kerk, is daar ’n maatjie in die moederskamer, die dogtertjie is 22 maande, die bring vir Mia ’n speelpoppie, dan later kruip Mia agter die maatjie aan en gee weer die poppie vir haar. Dit was vir my so sweet gewees.
Bollie ek sien darem elke keer Riley se oulik foto’tjies op facebook. Jy’t regtig ’n spesiale dogtertjie hoor.
Hasie kan nie glo jy hou amper op met werk nie! dink so baie aan jou!
Grenaat wat het toe gebeur met jou afspraak om jou buurman te sien oor die werkery?
Dragonfly ek wil so graag sien watter ene dit is wat julle gekoop het, ek’s mal oor daai company se goed! Maar ek kan nie die foto oopmaak nie. Ek weet nie hoekom nie. Soms wys dit vir my die foto’s direk by die boodskap, in die boodskap, ander kere is ’n foto ’n attachment, dan kliek ek daarop, soms maak dit die foto oop, ander kere, soos met die foto, maak dit nie oop nie!
Ek’t so rukkie terug vir Mia so fietsie ding gekoop (wat mamma stoot) later haal jy die 1 rand om die sitplek af en later kan baba self die fietsie trap, weet julle waarvan ek praat? Wel, dit was R 400.00 en manlief vra so-ewe hoekom moet hy dit nou al aanmekaar sit as dit eers vir haar verjaarsdag is...ek verduidelik toe dat dit nie haar verjaarsdag persent is nie, maar ’n persent vir mamma om haar hande meer vry te kry as sussa moeg gekruip is en dan opgetel wil word of so. Wel, ek dink die ding het sy geldjies al deur en deur verdien hoor!
Ek sien nou eers hoe lank my post word...dalk moet ek nou maar afsluit.
Gesels weer, lekker dag vir almal!
O ja, hoe moet ek vir Mia eier gee? Ek’t nog nie vir haar “skoon” eier gegee nie, maar sy’t al saam my quich geëet ens., so ek is nie bekommerd dat sy allergies sal wees nie, maar wil weet hoe moet ek dit vir haar gee soos vir lunch bv.?

Hi julle

Skies, ek het nou so vlugtig gescan deur die posts, ek was bietjie lanklaas op Moomie!

Het laas week Donderdag en vrydag First Aid level 1 training gehad, het dit vreeslik baie geniet! Nou kan ek ook CPR as ek moet.

Ek hoop nie ek het te veel gemis nie, ek sien almal se 1ste bday's gaan nou so in 'n streep begin opkom

So Mare is eerste!!

Riley se theme is Garfield & friends en ek het die koek bestel, maar dis ook dit sover.

Sat oggend was my niggie se bridalshower gewees en die trou is hierdie Saterdag en ek het natuurlik nie iets om aan te trek nie , sal maar gaan soek vir ietsie, en sal maar swart broek aantrek.

More more!

En so begin my 2de laaste week by die werk!!

DF, daai is baie oulik, sy gaan dit sommer baie geniet!

Grenaat, hoe het al jou plannetjies gewerk die naweek? As jy sukses behaal laat weet asb hoe!

Claudia het op 'n vrugte dieet gegaan die naweek, sy weier om te eet tensy dit vrugte is. Sy spoeg net alles uit maar raak dan mal as ek verby die vrugte bak loop, sy het so baie piesangs geeet Saterdag dat sy Saterdag aand die dak af geskree het van maagpyn. O en sy eet darem yoghurt ook, dis ook mos fruit flavour...

Ons was die naweek by Johan se ouma se verjaarsdag in Swaizer, Kwaaitjie, ek het nogal gedink om by julle te kom koffie drink oppad terug gister, maar het net nie daarby uitgekom nie. Ons het vreeslik lekker gekuier met die familie, en almal is mal oor my kiddies. Maar ek moet se al die kiddies wat daar was, was baie oulik en baie soet. Almal (oudste 13 jaar, jongste Claudia...) het lekker saam gespeel sonder dat een gehuil of baklei het die hele dag!! En die aand het almal sommer spontaan uitgepass.

Claudia het wel vir my 'n paar grys hare en 'n ligte hartaanval gegee. Ek het gesit en kuier onder die lapa toe gil een van die ouer kids en toe ek omkyk staan Claudia heelbo op die klimraam. Gelukkig was die 13 jarige naby genoeg om haar vinnig af te haal. Maar ons was almal baie geskok want sy het self tot bo gekllim. Van toe af het ek haar maar met 'n valk oog dopgehou!

Dis wat ons vir haar gekry het vir haar birthday!