Gesels saam op die pad na Swangerskap

Hi julle!

Gelukkige Lentedag! Begin van 'n nuwe maand, mag elkeen van julle 'n ekstra stukkie geluk kry, al is dit ook nou nie in die baba-department nie. Hoop dat ons almal hierdie maand kan afsluit met iets goeds wat in ons elkeen se lewe gebeur het.

Dit lyk of dinge goed aan die "broei" is met almal

My kop staan die laaste paar dae vreeslik by Jame se storie. Ek moet bieg julle ouens, ek het destyds in 2012 'n keiser gehad omdat ek wou. Ek wou nooit 'n normale bevalling hê nie, toe het ek mooi opgelees en raad gevra en agtergekom dat albei metodes veilig sou wees vir die babatjie. Ek het toe besluit om daardie keuse tussen keiser/normaal te maak gegrond op wat EK wil hê, want ek het gevoel die geboorte is die laaste keer wat iets regtig oor my sou gaan (my liggaam, my keuse). Van die oomblik dat my babatjie gebore is sou alles altyd eerste oor haar gaan, soos dit behoort te wees. Ek het toe die keiser gekies, want dit was reg vir hoe ek is (die beplanner!). Ek was nog altyd baie bly oor my keuse, my ervaring was baie goed en my herstel was baie goed. Maar nou is ek so bang, want niemand het vir my vertel dat scar-tissue so groot problem kan wees nie. Sê nou ek het dieselfde probleem veroorsaak sonder om te weet??

Die FB-storie is baie erg, baie ongevoelig. Ek sou ook daardie man unfriend, wat 'n mors van tyd om nog sulke mense se posts te lees.

Tinktinkie, Nunukie, Lagoggies, Meisiekind, & Jame, sterkte vir julle almal vir hierdie maand.

Hi julle!

Jame, ek hoop en droom sommer saam met jou oor n natuurlike swangerskap vir julle! Hoe ongelooflik sal dit nie wees nie!!

Meisiekind, ek kan nie glo dat mense so onsensitief kan wees nie - ek het gesien n meisie se die ene van haar (•)(•) maar het glad nie besef dis alweer so gemors storie nie! Baie bly jy voel beter - daai pms hormone mors vreeslik met mens! Sterkte vir jou siklus..

Nunukie, hoe voel jy??

Ek is baie verlig dat ons nie die siklus terugplaas nie, het nog heeltyd gehoop dat daar genoeg sal wees om te vries. Ek kan nie dink dat dit goed is om swanger te raak met al die hormone in n mens se lyf nie! Ons kliniek se FET swangerskap sukses is so 2-3% hoeër as vars siklusse. So ek is fine daarmee... Het Saterdag gehoor dat 12 vd 14 bevrug het, wag om te hoor hoeveel daar vandag oor is. Klink asof hul dit gaan laat groei to 4 Sept...

Lekker dag julle, sterkte met alles wat aangaan julle❤️❤️❤️

Hello liewe dames

Ek was die laaste paar dae so besig dat ek net nie kans gekry het om hier uit te kom nie. Het Donderdag regtig goor gevoel op CD1. Die dag daarna was ek skielik weer my ou self en sien weer kans vir alles. Dit het my laat dink dat hormone darem maar 'n groot invloed het op mens se gemoed. Mens dink partykeer dat jy nie lekker in die kop is nie (veral gedurende die 2ww ), maar eintlik moet mens al die hormone blameer en besef dat dit nie jy is nie.

Nou moet ek julle eers 'n storie vertel. Laas Woensdag post 'n ou werkskollega van my en ML op Facebook dat hy gaan pa word ("Its confirmed, I'm going to be a daddy"). Ek dink dink toe nogal ewe dat dit darem maar nice is, want hy is al in sy veertigs en ek wens dit vir enige iemand toe om darem ten minste een keer 'n ouer te kan word. So wens ek hom uit die diepte van my hart geluk en voorspoed toe. Volgende dag (op die einste Donderdag wat ek so goor gevoel het), kry ek 'n private Facebook boodskap van hom af. Dit was alles net 'n joke gewees. Hy stuur toe vir my een of ander "kettingbrief" tipe ding waar dit sê dat almal wat geantwoord het op sy post, nou moet deelneem. Mens moet kies uit 'n lys van 10 frases, wat jy dan moet post sonder om te sê hoekom jy dit doen. Dis alles sulke vernederende tipe goed soos dat jy nou net jou (.)(.) gebruik het om uit 'n verkeerskaartjie te kom ens. Ek was lanklaas in my lewe so verskriklik kwaad gewees. Was letterlik die res van die aand kwaad en emosioneel gewees. Ek het nie sulke ongevoelige mense in my lewe nodig nie, so toe gaan unfriend ek hom. Vir my is dit een van daai goed waaroor mens eenvoudig nie joke nie. Mense soos ons gaan deur baie om tog net 'n ou babatjie te kan hê. Miskien is ek te fyngevoelig en hormonaal, maar dis hier waar ek die lyn trek.

In elk geval, daardie aand voor ek gaan slaap lees ek 'n stuk wat my laat besef dat mens nie moet toelaat dat sulke tipe goed jou geluk steel nie. So ek het besluit om op te hou kwaad wees en nie weer daaraan te dink nie. Wou dit net met julle deel sodat julle nie dalk ook in dieselfde strik trap nie.

So ek's nou CD4 en het gister begin met my meds (100mg clomihexal). Sien uit na die maand wat voorlê. En hooplik is September die maand vir baie BFPs op hierdie thread!


Tinktinkie, bly die prosedure het goed afgeloop, al kan die terugplasing eers later plaasvind. Soos Jame ook gesê het, al is mens haastig is dit beter om eerder te wag tot jou liggaam 100% gereed is vir die terugplasing. Dankie tog vir IMSI wat dit moontlik maak om nog altyd jou ML se swemmertjies te gebruik. Hoop jy voel gou beter en dink aan jou!

Jame, dis sulke goeie nuus dat jou nuwe FS alles vind wat fout is en weet wat hy doen. Wys jou net mens moet nooit moed opgee nie. Sterkte vir Dinsdag!

Nunukie, hoop jy voel nou al 'n bietjie beter na die KI. Dis nogtans goeie nuus dat alles so mooi verloop het. Sterkte vir die 2ww.

Lagogies, jy's maar stil deesdae. Jy toets mos die week, né? Dink aan jou!

Julle moet almal 'n lekker week hê - ten minste is dit die eerste week van lente ook!

Tinktinkie ek weet een hele siklus is vi jou leeftyd. Maar glo my dit was beste besluit wat hul gemaak het. My 2de FS was so geskok toe hy hoor my vorige FS het ga stn en eiertjies terugsit na ek in soveel pyn was. Baie goeie besluit v jou FS.
Ek hoor wonderlike goed vd icsi ens proses. Als sa goed gaan. Voel gou beter. Dink aan jou. Xxx

Hi julle!

Effens mixed emotions oor vandag, het 14 eiertjies gekry wat absoluut wonderlik is, is net in baie erge pyn... Ook oorgestim, estrogeen vlakke te hoog en eierstokke abnormaal groot, so moet wag vir een hele normale siklus om verby te gaan, so terugplasing sal eers Okt hopelik plaasvind. Ook het my man laasweek semenanalise gedoen en vandag gehoor sy morphologie is baie laer as wat ons gedink het, slegs 1%. So die eierselletjies word nou bevrug deur IMSI, soos ICSI, kies net baie meer deeglik die normale spermpies uit om in te spuit by eierselletjie.

Daar is nog hoop vir ons almal ne ons dien n God wat groter as die wetenskap is. Lekker naweek hou my online vriendinnetjies

Howzit?

Almal stil so op die heilige Vrydag, huh?

Jame, ek is saam julle opgewonde. Ai, dit is darem 'n berg van jul rug af, ne!
Jy KAN DROOM, ja! Dit is glad nie onmoontlik nie maak ten volle gebruik van die silly season

Julle almal moet 'n gatskop nawekie hê!

More julle, liewe lawwe goed.

Tinktinkie, is vandag nie die groot D-dag nie? Dink aan jou.

Nunukie, bly jou KI het goed afgeloop. Nou bid ons EERS hard.

Meisiekind, shame hoe voel jy?

Lagogies, swartkat, helloooooo!!!!! En aan almal anders daar wat kom inloer.

Dankie vir jul mooi boodskappies. My gemoed voel so goed. Dis absoluut wonderlik om te weet daar is iets fout. Was vir my die ergste om toets na toets te doen en als wys normaal, tog raak ek nie swanger nie. Voel nou weer of daar hoop is vir ons, was op 'n stadium uiters mismoedig. Ons het besluit as die jodium die ding doen begin ons met die FET siklus vgl siklus (hul doen net lang protocol). As ek moet ingaan vir operasie, gaan ons oortsaan tot Januarie vir FET. Sal inelkgeval dan eers Nov kan begin met FET, en dit sal dan oorgaan tot Des, ag en dis silly season, miskien kry ons nog iets silly reg voor dan A girl can dream

Lekker naweek julle!!