Dames wat al lank hierdie paadjie stap

Hi Zettie!!!!

Lekker om weer van jou ook te hoor! So, jou asjas het op 30 weke opgedaag! Klein rakker! Wat het hy geweeg? Julle reg om weer te probeer vir nr. 2?

TanyaS
Baie geluk ! So, bly dat ek 'n bump--buddy het!
Ek is nou 4w2d - gaan sommer nou 'n ticker oplaai.

Hier by ons is daar net Pathcare en hulle is so vol nonsens met bekendmaking van resultate. Ek moet wag tot die volgende dag sodat die FS (wat in Bloem is) dit kan bekend maak aan my. Ek moet more weer gaan vir bloed en dit sal beteken dat ek dan eers Maandag sal weet. Wat 'n laaang nwk!
Intussen pieps ek op die digitale stokkies om self te sien dat ek vorder. Het vanoggend 'n 2-3 weke gekry. Gister was ek nog 1-2 weke.
Ek is ook paranoid (na die 3 x miskrame wat ek nou gehad het)

Hello julle shoe hoe kom al die geselsies hier nou terug na my toe.

So bly vir julle en sticky dust vir julle.

Kan nie glo my Kabouter is al amper 14 maande oud nie voel soos gister wat hy sy opwagting gemaak het lekker voorbaarig op 30 weke.

Jooste doen jy deur lancet jou bloed toetse? dan kan jy net hulle mobile app oplaai en sommer dadelik jou resultate kry sodra hulle dit oplaai. Jy benodig net jou MRI nommer van hulle af wat hulle vir jou leer gebruik

Baie geluk Bea en Jooste!! Hoop vir sticky beans

Ek is nou so net oor die 5 weke, my beta's het mar laag begin mar my gynae is tevrede want dit verdubbel darem. dit was dinsdag so 308. hopelike kry ek vandag weer n goeie telling.

Ek is so vrek bang iets gebeur, ek het met my dogtertjie op 8 weke begin bloei en haar amper verloor, so ek is baie paranoid.

Bytjie, neer meer so lank vir jou nie

Klippie!!!!!!!!!!!!!!!!!

My liefste mens!!! Waar kruip jy weg???
Ek het so oor jou en slakkie en SexyHexy en al die ander al gewonder!!!

Bea
Ongelooflik! Ek het met my IVF in 2012 ook net 3 follicles gehad. Net 2 eiertjies is gekry tydens die ER. Altwee het mooi bevrug, maar net een het aangehou groei - die ander outjie het nooit eers begin verdeel nie. Dit was dan ook agv my swak reaksie op IVF destyds en die vele miskrame nou dat ek op DHEA gegaan het die laaste 6 weke voor hierdie BFP.
Watter maak DHEA het jy gebruik? Dosis?

Ek is so bly vir jou! En dit is die ding van hierdie pad wat ons stap. Niemand weet juis wanneer om op te hou nie? Kyk nou net.....eers by jou 13de IVF!???

Bea, baie geluk! Ek is so bly vir jou! En Jooste en Bytjie!

Ek lees nogal so nou en dan die posts op hierdie thread - so bly ek het kom inlog vandag vir hierdie goeie nuus!

Hoop julle het geseënde swangerskappe!

Ek het net drie eiertjies gehad - ten spyte van die DHEA, maar dis gedeeltelik as gevolg van die "afregulering" met Zoladex na my lap - ek was vir drie maande in menopause. Maar die FS glo hierdie afregulering kan dalk juis die rede wees hoekom ek wel nou 'n BFP gekry het - mens sal nooit regtig kan sê wat het hierdie keer reg geloop nie.
Van die drie eiertjies het net twee normaal bevrug. Teen dag vyf was een 'n vroeë blastosist en een was 'n kompakte embrio / marula, so altwee was bietjie agter.

FS het voor die siklus gesê my kans op sukses met hierdie IVF is minder as 10%, maar dat hy voorstel ons doen nog een laaste siklus met my eie eiers voor ons aan beweeg na donor eggs. Beslis gelukkige nommer 13! Ons is ook hierdie jaar 13 jaar getroud!