Dames wat al lank hierdie paadjie stap

Miskraam is verskriklik - ek wens dit niemand toe nie...

Bea:
Hoeveel embies het jy gehad om mee te werk tydens hierdie IVF?

Jooste, dit is baie mooi beta-tellings - baie geluk! Dit klink baie goed en ek is seker na jou operasie gaan dit hierdie keer 'n sticky bean wees! Ek kan my net indink waar deur jy alles is met die miskrame - ek het nog nooit een gehad nie, maar toe ek hierdie BFP kry was dit my grootste vrees - ek het so getjank toe ek gister daardie hartkloppie hoor!

Bytjie, ek kan nie glo die tyd vlieg so nie - hoop jy kry darem bietjie kans om te rus ook met daardie woelwater van jou!

Ja, dit voel nog ongelooflik onwerklik - selfs na gister se sonar. Ons het gister vir die familie vertel, maar vra steeds vir hulle om dit stil te hou tot 12 weke. Ons dogtertjie is nou ses en dit is haar grootste begeerte om 'n boetie of sussie te hê, maar ons gaan nie vir haar sê voor 12 weke nie - dit sal my hart verpletter as ek vir haar moet vertel ek het die baba verloor. Dit is darem nog net vyf weke, so dit is nie meer so lank nie. Waar ons dit tot nou toe dag vir dag gevat het, kan ons dit darem nou al "week vir week" vat. Ek sien die FS weer Dinsdag, en dan weer op 10 weke. Op 12 weke sien ek die genetiese spesialis om te toets vir Downs ens.... wil nie eers daaraan dink nie! Maar ek glo en vertrou.

Lekker dag almal xxx

Liewe Bea
Maar dit is absolute WONDERFLIKE nuus!! Ek kry sommer hoendervleis as ek dit net hoor! En dit met jou eie eiertjies en na 13 IVFs!!!!
Baie geluk!
Vertel hoe jy voel?? Dit moet so onwerklik voel?
(Inderdaad - alle eer aan ons Vader!)

Bytjie
Al wraggies 31 weke? Dit vlieg darem vinnig. Ek is so bly dat alles sover so goed verloop met jou swangerskap. En ja - die kleuters kan ons darem lekker grys hare gee! Ha ha!

AFM
Ek het 3 miskrame in die laaste 8 maande gehad. Ons lewens regtig op sy kop gekeer met blydskap en vreugde en dan die ontsettende hartseer, woede en ongeloof. Het vir 'n laparoskopie gegaan na my 3de miskraam in April en is toe op 5mg Femara gesit en is vandag 4w2d swanger! Beta op 3w6d was 262 en 4w1d was 662!! Ons is so opgewonde! Ons hoop en bid hard dat hierdie keer sal alles glad verloop. Hulle het baie endometriose afgelaser tydens die Laparoskopie op 28 April en volgens FS was dit die rede vir die aanhoudende vroeer verliese. Ek was ook vanaf 12 April tot verlede week op DHEA geplaas. Vermoed dit het ook positief meegewerk-

More almal,

Bea, dis mos wonderlike nuus. So bly vir julle. Ek wens julle 'n gelukkige en gesonde swangerskap toe. Dankie dat jy laat weet het. Ek weet nie of hier nog van die ou dames lees nie.

Ek het op 'n ander post gesien dat Jooste en TanyaS ook swanger is. Baie geluk julle twee. Jooste FX vir 'n stick bean vir julle.

Ek is tans 31 weke swanger met nog 'n seuntjie. Maar die oudste enetjie is besig om my mal te maak met al die kattekwaad wat hy aanvang maar ek sal dit vir niks in die wereld verruil nie.

"n Mooi daggie vir julle almal.

Hallo julle, ek weet nie of enigiemand nog hier lees nie, maar ek deel vir in geval.

13 IVF's later.... en ons het ons eerste BFP! Ek was vandag vir 'n sonar en daar was een perfekte hartkloppie. Alle eer aan God.

Dit is net die vreemdste gevoel om na vyf jaar se probeer swanger te wees - dit voel nog so onwerklik.

Ons vat dit nou maar week vir week tot 12 weke en vertrou en hoop vir die beste.

Jooste, jy moet bietjie kom update oor jou swangerskap jong. Het die naarheid al begin. Myne is gelukkig verby, is nog net so af en toe bietjie naar maar net as ek baie honger is of myself heeltemal oorvreet het .

Bea, bly om te hoor dit gaan beter. Ek kan my net indink in watse tweestryd julle nou gewikkel moet wees. Sterkte met die besluite wat julle moet neem. En soos hulle sê: EYE ON THE PRIZE!

Ek gaan weer einde van Feb dr toe. Hoop ons sal dan die geslag kan sien.

Jooste, dis wonderlike nuus, so bly vir jou! Wanneer is jou eerste sonar? Ek hou alles gekruis vir 'n sticky.

Bytjie, ook bly om te hoor als gaan goed met babatjie. xx

AFM: Voel al stukke beter na die operasie - dis darem nou al drie en 'n half weke. Sien die FS oor 'n week. Ons begin nou weer al meer aan donor eggs dink, maar dit is maar 'n proses om by 'n finale besluit uit te kom.

Lekker week vir julle